Bocah-bocah sing daktresnani, ana ing kalodhangan iki ayo padha sinau nggawe poster lan nulis sinopsis sandhiwara tradhisional. Bocah-bocah wis mangerteni yen sandhiwara tradhisional yaiku sandhiwara kang ngemot cerita saka sawenehe dhaerah (kedaerahan) lan nuduhake kearifan lokal ing papan kasebut. Saliyane iku coba gatekna:
- Poster yaiku gambar ngenani sawijine bab sing digunakake kanggo
menehi wara-wara tumrap wong liya supaya mangerteni isine.
- Sinopsis yaiku ringkesan crita kang isine padha karo sakabehe adegan
ing crita.
TULADHA POSTER
SANDHIWARA “GOLAN-MIRAH”
TULADHA SINOPSIS
SANDHIWARA “GOLAN-MIRAH”
Tumapake taun
1486, pangaribawane Praja Wengker wis wiwit wudhar. Senajan ta kaya mangkono,
isih ana sisa-sisane kukuwatan kang dipandhegani Ki Ageng Kutu Suryangalam ing
Kademangan Surukubeng. Kekuwatan-kekuwatan iku dumunung ing Desa Siman, Gunung
Loreng, Gunung Pegat, Desa Sukosewu, sarta kang ora kalah manjila yaiku ing
Desa Golan utawa Karang. Desa kasebut kapandhegan dening Ki Hanggalana.
Sakabehe panguwasa lan warga ing Desa Golan isih nggilut agama Budha.
Kadulu saka wewengkone,
Desa Golan iku cecaketan karo Desa Mirah utawa Nambangan. Desa Mirah iku minangka
papan dununge Ki Ageng Mirah utawa Kyai Muslim. Panjenengane minangka ulama sing
neneka ing wewengkon Wengker tinimbang Bathara Katong.
Nalika putrane Ki
Hanggalana sing jenenge Jaka Lancur kepengin anggarwa putra putrine Ki Ageng
Mirah, dumadi sawijine kedaden kang banget ora dipengini. Kedaden iku diwiwiti
saka bedane agama kekarone calon panganten, saengga ndadekake pepati tumrap
kekarone.
Pratandha alam
kang tuwuh saka kedaden kasebut, ana kali kang mili saka Desa Golan lan Desa
Mirah, nanging ora bisa nyawiji. Ki Ageng Kutu kasoran dening Bathara Katong
lan jisime musna ing Gunung Dloka, dene Ki Hanggalana kaperjaya dening Raden
Selaaji.
Tumekane saiki warga
Desa Golan lan Desa Mirah tetep nggondheli saperangan gugon tuhon utawa wewaler.
Warga Desa Mirah ora ana sing wani nyimpen kawul lan titen ing sakiwatengene omah,
amarga gampang kobong. Warga Desa Golan lan Desa Mirah ora ana sing wani
jejodhohan manut lelakone Jaka Lancur lan putra putrine Ki Ageng Mirah. Warga Desa
Mirah lamun nggawa barang saka Desa Golan, sadurunge metu saka desa kasebut
mesthi bingung lan ora bisa bali menyang omahe. Semono uga dumadi kanggo
suwalike lan becike barang kasebut dibalikake ing papan dununge maneh.
Bisa diwaca:
+++ Sinopsis Legenda Desa Golan dan Desa Mirah === (Bahasa Indonesia) +++
Sugeng makarya lan matur nuwun! (*)
No comments:
Post a Comment