SINAU PADA UTAWA TETENGER

Tandha pocapan utawa panulisan ing Aksara Jawa sing diarani pada utawa tetenger. Wujude pada sing asring digunakake ing Aksara Jawa yaiku:

 

Pada Adeg-adeg

Pada adeg-adeg, panganggone ing wiwitane ukara, utawa kanggo nulis bab anyar.

Tuladha: Bapak tindak kantor.

 

Pada Lingsa

Pada lingsa panganggone padha karo tandha koma ( , ).

Tuladha: Aku tuku buku, topi, lan sepatu.

Pada Lungsi

Pada lungsi, panganggone padha karo tandha titik ( . ).

Tuladha: Simbah lagi gerah waja.

Pangkon

Pangkon panganggone bisa dadi sesulihe pada lingsa/tandha koma ( , ) manawa ing tengahe ukara ana paten pangkon.

Tuladha: Wawan, Nunik, lan Budi budhal sekolah.

Pangkon panganggone bisa dadi sesulihe pada lungsi utawa tandha titik ( . ) manawa ing pungkasane ukara ana paten pangkon. Pada lungsi mung katulis siji wae.

Tuladha: Suci lan wati lagi lara panas.

Pada Pangkat

Pada pangkat panganggone:

Kanggo ngapit angka Jawa utawa ngelet-eleti panulise angka Jawa sing manggon ing tengah-tengahe aksara Jawa.

Tuladha: Dhuwitku ana 78.350.

Kanggo nulis tandha ukara langsung (tanda kutip) lan kanggo menehi sasmita manawa tembung kang diapit iku wigati utawa penting (tanda petik).

Tuladha: Bapak ngendika,” Aku lunga menyang Malang.”

Dadi gantine tandha titik loro ( : ) sawise tembung kayata, yaiku utawa yakuwi, mengkene.

Tuladha: Ing desane simbah akeh woh-wohan kayata: dhuku, salak, manggis, pelem, lan rambutan.

Sugeng angudi ngelmi. (*)