Dening:
Bangkit Irmanudin
Bahri
Cantrik, ngudi
ngelmu tanpa pamrih
Sepi ing pamrih,
ora maelu weteng ngelih
Ora nglentrih
senajan kebak tatu perih
Beda banget karo
jaman saiki
Wis ora ana maneh wujude
cantrik
Anane mung siswa
arane peserta didik
Pacrabakan wis
sepi, anane dhingklik ngangklik-angklik
Sapa yen sinau ora
betah melek lan lesu?
Mung tansah
mikirake madhang lan turu
Madhang wareg,
ning bawa rasa ora dipaelu
Turu angler, yen
kebacut nganti ngiler, ngoroke seru
Dadine kapribaden
disingkur, laku dadi saru
Yen guru mulang
bengoke jam kosong
Ora rumangsa
jiwane wis mlompong
Kopong mlompong
mung plenggang-plenggong
Longa-longo kaya
kebo tur ompong
Wis cupeten
anggonmu ngresula
Urip ora trima
mung didoli piala
Nrima, legawa, aja
lali pangupaya
Surabaya, 17
Oktober 2022
No comments:
Post a Comment